Listen




Banner, 120 x 600, mit Claim


Der Schweiz-Thread

User Beitrag
Stevie
19.08.2002 - 16:11 Uhr
Tsch..tsch..zäme!
Ha mau wölle luege wieviel Eidgenosse sech ihri Musig Infos hie hole!!? Wär cool we me sech chönt churzschliesse beträffend Konzärt Infos etc. i üsem schöne Schwizerländli!

Gin gin u bis dann dann
STEVIE

www.abartig.ch
Lepra
19.08.2002 - 17:39 Uhr
ig bi deheim vorem Kompi...
sever
20.08.2002 - 17:09 Uhr
ig dänk o!
janosch
20.08.2002 - 17:55 Uhr
wörterbuch, wo bist du?
Ben
20.08.2002 - 20:12 Uhr
*kopfschüttel* da versteh ich unsere Holländer-Freunde ja noch besser...
swiss girl
06.06.2004 - 17:01 Uhr
Ich weiss de Thread heds scho mal ghä. Aber Schwyzerdütsch tönt eifach besser.
????
06.06.2004 - 17:08 Uhr
ich find eher es klingt als hättet ihr zuviel käse im mund
swiss girl
06.06.2004 - 19:52 Uhr
Du hesch äifach kei Ahnig. Würd di schüsch no än suchächä Siech findä....
Greylight
06.06.2004 - 20:05 Uhr
Seit dem Autritt bei Interaktiv muss ich bei Schwyz immer an Melissa auf der Maur denken. *g*
ventolin
07.06.2004 - 08:35 Uhr
Eigentli en interessante Thread. Sölled mir ä wämg über schwiizerdüütschi phonetik redä oder so. Schiint jo nid grad viel us üsne Reihe uf däre luschtige Siite zha.
merde
07.06.2004 - 10:42 Uhr
du ventolin, i gloube es het me vo däne aus du dänksch...

wot ja nid säge dä thread sig überflüssig... aber weler spezifische theme möchschtisch de uf schwizerdütsch behandlet wüsse swiss girl?

schwizerdütschi phonetik :-)))))))))
ventolin
07.06.2004 - 10:56 Uhr
@merde
bi dir list mä jo au zimli schnäll woher du chunnsch. :-) schööni gegend.

mir chönnted üs au über di nördliche nochbäre luschtig mache. sorry jungs...

oder d schwiizer do inne noch em dialekt sortiere.
merde
07.06.2004 - 14:05 Uhr
gueti idee.

auso, i verwette mini ganzi cd-sammlig, dass du ned erratisch vo wo i chume...! ;)

isch no rächt schwirig de dialäkt us dfinde wenn me ne nume list... hmmm...

auso i tendiere zwüsche basel, st. galle und züri...

i weiss, 3 rächt unterschidlichi dialäkt:) auso, gibmer e tipp!
merde
07.06.2004 - 14:27 Uhr
ähhhm, bevor mer läschtere müessemer zersch mau öpis angers kläre:
was isch pinlicher, es 1-0 gäge liechtestei oder es 0-2 gäge ungarn...?
:)
ventolin
07.06.2004 - 14:49 Uhr
Furchtbar. Wie unbeweglich und ideelos. Weisch uf em papier tönt üses Team no guet. Do lisisch näme wie Rennes, FC Liverpool, Stuttgart, Lyon. Und denn das. Do muesch bibbere a dä WM. Jedes Spiel ä zitterpartie.

Du chunnsch vo Solothurn. Isch min Tipp. Stimmts? Zwor seisch pinlich. Das chönnt au aargauer sii.

Tipp a dich: Je nördlicher deschto besser.
merde
07.06.2004 - 15:12 Uhr
denn bisch auä en schaffhuser!?

...und Eindhoven, Bremen, Marseille...
i gloube uf das chasch ebe ned unbedingt ga. naja, ds spiu gäge d schwabe letscht wuche hetmi wenigstens e chli positif gschtimmt. ds gestrige muesch eifach abhacke... jaja, i däri hammer-gruppe gits für d schwiz so wis usgseht ned so viu ds hole - ussert si spile jedesmal fehlerfrei und über de möglichkeite...
i wär defür, dasme anstatt im opa chappi im gygax oder vonlanthen de vorzug git!

mit solothurn hesch leider de zonk! zoge. aber si rede zümli ähnlich wi wir. auso mi typ: röschti isstme zwar ned nume bi üs, aber bi üs het si e spezielli bedütig!
ventolin
07.06.2004 - 15:34 Uhr
Vollträffer. Stimmt.

Ich würd uf dä Vonlanthen und dä Frei setzt. Die passed sicher no guet zämä. Dä Chappi isch eifach z alt. Dä bruucht jo noch 90 Minute es Suurstoffzält.

Das isch no schwirig, wil für gwüssi Lüüt dä Röschtigrabe jo scho weschtlich vo Züri afangt. Ich tippe mol uf dä Südlichi Röschtigrabe. Fribourg, Tafers. Döt umänand. Han i rächt?
merde
07.06.2004 - 16:13 Uhr
jep, bingo. wieso kennsch denn du das "kaff" tafers?

...i däm fall gratulation zum ufstieg!

i würd im gygax de vorzug gä. vonlanthen us joker. und chappi us notnagel.
ventolin
07.06.2004 - 16:20 Uhr
Ha en Kolleg dört unnä. Sehr en nette. Und känne nomol eine, dä han i aber nur eimol gseh. Du kännsch nid zufällig d'cede.ch siite?

Merci, merci. :) Aber zerscht müemmer mol es Stadion uf die Chueweid stelle, bevor döt öppis los isch. Aber ha mir scho es FC Schaffhuuse Liibli kauft.

Isch gygax nid mittelfeld?
ventolin
07.06.2004 - 16:25 Uhr
übrigens han i grad ä CD Sammlig gunnä. Ich chum's denn mol go abhole. ;)
merde
07.06.2004 - 16:36 Uhr
also i wohne in düdingen, das isch grad näbedran und i kenne zimli viu lüt us tafers. wi heisster de? cede kenn i ja, wiso meinsch?

i weiss nume dass de gygax us stürmer nominiert worde isch. weiss ned uf welere position gspiut het gäge liechtestei, ha de match ned gse. aber i gloube i eim simer üs einig. opa chappi muess uf ds bänkli!
merde
07.06.2004 - 16:39 Uhr
di gsamti cd-sammlig hetis nume bim 1ste versuech gä. da bisch gschiteret. de troschtpris isch mi dance-mission-sammlig! :)
merde
07.06.2004 - 16:40 Uhr
di schickender sogar no portofrei wedsi wosch und i si no fine :)
ventolin
07.06.2004 - 16:44 Uhr
Ha dänkt du schriibsch döt villicht au kritike bi cede.ch. Oder segsch sogar min kolleg. wil so gross isch das huere tafers jetzt au nid, gäll... :)
Stefan J. heisst er.

Jep, dä alt chnuuschti hät a däre em nüt verlore.


ventolin
07.06.2004 - 16:45 Uhr
Aha. ähm. Jo nei. Lohs mol bliibe. Passt scho. ;)
vilfer
07.06.2004 - 17:06 Uhr
hallo freunde
ventolin
07.06.2004 - 17:08 Uhr
salut vilfer. :-) Bisch hüt obig emol dihei?
vilfer
07.06.2004 - 17:10 Uhr
jep, sötti go. besser gseit sicher. ha grads mail gläse. hihi.
merde
07.06.2004 - 17:10 Uhr
de name seitmer jitz grad nüd. nevermind. uf jedefau schribeni ned uf cede.ch. du chöntisch aber mau e läseprobe-link hie poste, würdemi no interessiere:)
vilfer
07.06.2004 - 17:14 Uhr
merde, in düdingen, findet dört nit es festival negscht wuche statt? motorpsycho und patrick wolf hani ghört. cha leider nit go, aber dir würdis empfehle...
merde
07.06.2004 - 17:35 Uhr
ja natürlich, d'bad-bonn-kilbi! i hamer de 3-tages-pass scho sit wuche gsicheret... kuli sach dass das bis tüüf i norde vordrunge isch:) isch nämlich eis vo miner absolute lieblings-festivals. klein. gemütlich. underground. aber ganz gross. =>www.badbonn.ch
vilfer
07.06.2004 - 17:36 Uhr
wie nennsch du dich denn bi cede.ch?
ventolin
08.06.2004 - 08:25 Uhr
merde, vilfer? Isch öpper aawesend?
merde
08.06.2004 - 09:13 Uhr
present! aber weiss ned für wi lang s cha jede momänt chere...
ventolin
08.06.2004 - 09:17 Uhr
Guete Moorge. Freut mich, dich im Schwiiz Thread dörfe z begrüesse.
Uf wär tippsch eigentli a dä em? Ich weiss gar nid wär dä favorit isch.
merde
08.06.2004 - 09:25 Uhr
mi tipp isch holland. gheimfavorit tschechie. aber ebe, s git öpe me aus e hand vou wos chönti schaffe...

wi gsehts eigentlich mit musig us? was machsch für festivals...?
ventolin
08.06.2004 - 10:36 Uhr
Nid viel. Ha zerscht welä as Roskilde. Aber es isch mir ztüür. Gange voruussichtlich numä as Southside. Bescht Stimmig. Gueti Lüüt, tolli Bands. Du?
merde
08.06.2004 - 11:38 Uhr
am southside bi i letscht jahr gsi. s het meh aus es ordentlichs line-up gha und d stimmig isch ou wäutklasse gsi, das stimmt. we nume di verdammte zollbeamte ned gsi were ds tuttlingen...

dis jahr woti mau uf st.galle, bi no nie det gsi. zwar isch ds programm ned unbedingt de hammer, aber mau luege wies tuet ir oschtschwiz... und denn gani no je 1tag ads paléo, rock oz'arènes und montreux-jazz.

svenja
08.06.2004 - 11:47 Uhr
doofe frage: schreibt ihr auch in wirklichkeit so oder ist dann schon eher hochdeutsch angesagt? also in der schule oder so?
merde
08.06.2004 - 12:03 Uhr
in wirklichkeit schreibt kein mensch so! es gibt auch keine gängigen rechtschreiberegeln... in der schule wird eigentlich nur hochdeutsch gesprochen und geschrieben sowieso. aber überall sonst ist eigentlich dialekt angesagt...
svenja
08.06.2004 - 12:05 Uhr
dann bin ich beruhigt.
ventolin
08.06.2004 - 12:08 Uhr
@svenja
In der Schule ist offiziell Hochdeutsch angesagt. In Briefen oder SMS, Mail mit Freunden ist es jetzt in Mode gekommen, im Dialekt zu schreiben. Der Vorteil ist, dass es kaum Rechtschreiberegeln gibt. Der Nachteil ist, dass es sich dann in Kommunikation mit echten Deutschen niederschlägt. Man ist geneigt/übernimmt einfach Wörter oder ganze Satzkonstellationen die es im deutschen gar nicht gibt.
Normale Bürokorrespondenz ist auch Hochdeutsch und sogar unsere Bundesverfassung.
vilfer
08.06.2004 - 13:24 Uhr
juhui. geh auch ans rock oz arenes...
merde
08.06.2004 - 13:43 Uhr
lou reed, massive attack, dEUS... das würd so richtig guet...

@ventolin: merci für di nöchere usfüerige:)
ventolin
08.06.2004 - 13:52 Uhr
@merde
Jo bi halt scho am schriibe gsii, aber ha es paar minute gha, bis i min Tegscht zämä gha ha. Bi nid dä gschwindscht.
merde
08.06.2004 - 14:38 Uhr
kes problem
gogo
08.06.2004 - 15:43 Uhr
tschou zäme. god öpper as st. galle festival? heds eigentlech no tickets?
ventolin
10.06.2004 - 11:33 Uhr
St. Galle isch es doofs Feschtival. Döt hätts nur habasche. Usserdem chasch wie am gurte am hang zälte wännd z spot bisch. Geili Sach, so bi 25 Gefälle.

@merde
Wo triibsch di wieder umä? :-)
schweizerländer
10.06.2004 - 11:42 Uhr
spinnsch vollkommä? st.gallen isch äs dooofs festival? hallo?
natürlich häts no tickets. wiä jedes jahr bis am letschtä fritig! ich bin das jahr s'nüntä mal im sittertobel. dött isch doch würkli nix doof... Wenn man nöd will am Hang zeltä, denn muäs man das au nöd ;-)
vilfer
10.06.2004 - 12:22 Uhr
buuh.. st galle. billig. und ebbe. grossi schwizer openair hend wirklig nit sone super tols line up. do begnüeg ich mich mit eim tag avenches und 2 tag montreux.

Seite: 1 2 3 ... 23 »
Zurück zur Übersicht

Hinterlasse uns eine Nachricht, warum Du diesen Post melden möchtest.

Einmal am Tag per Mail benachrichtigt werden über neue Beiträge in diesem Thread

Um Nachrichten zu posten, musst Du Dich hier einloggen.

Du bist noch nicht registriert? Das kannst Du hier schnell erledigen. Oder noch einfacher:

Du kannst auch hier eine Nachricht erfassen und erhältst dann in einem weiteren Schritt direkt die Möglichkeit, Dich zu registrieren.
Benutzername:
Deine Nachricht:





Banner, 300 x 250, mit Claim